చలికాలంలో చలి వల్ల లేదా వివిధ కారణాల వలన జలుబు, దగ్గు వంటి వ్యాధులతో ఇబ్బంది పడుతూ ఉంటారు. అయితే కొంతమందికి మాత్రం ఈ దగ్గు, జలుబు వంటి సమస్యలు పదే పదే తలెత్తుతూ తీవ్ర ఇబ్బందులు పడతారు. దీనికి కారణం రోగనిరోధక శక్తి బలహీనంగా ఉండడం. రోగనిరోధక శక్తి తక్కువగా ఉన్న వ్యక్తులు చాలా త్వరగా అనారోగ్యానికి గురవుతారు. వాతావరణంలో మార్పులు చాలా త్వరగా వీరిని ప్రభావితం చేస్తాయి. అటువంటి పరిస్థితిలో తినే ఆహారం విషయంలో కొన్ని నియమాలను పాటించాలి. రోగనిరోధక శక్తిని బలపరిచే విధంగా ఆహారాన్ని తీసుకోవాలి. చలికాలంలో వచ్చే వ్యాధుల నుంచి ఉపశమనం కోసం పాలు ఉత్తమ శాఖాహార ఆహారంగా పరిగణించబడుతున్నాయి. పాలల్లో అనేక పోషకాలు ఉన్నాయి.
కాల్షియం అద్భుతమైన మూలం పాలు. అంతేకాదు అనేక పోషకాలు పాలల్లో సమృద్ధిగా ఉన్నాయి. ఒక పెద్ద కప్పు అంటే దాదాపు 250 గ్రాముల పాలలో రోజువారీ అవసరాల్లో 88 శాతం నీరు, 8.14 గ్రాముల ప్రోటీన్, 12 గ్రాముల చక్కెర, 12 గ్రాముల పిండి పదార్థాలు, 8 గ్రాముల కొవ్వు, విటమిన్ B12, B2, ఫాస్పరస్ వంటి అనేక పోషకాలు ఉంటాయి. కనుక శీతాకాలంలో పాలను ఆహారంలో చేర్చుకోవడం ద్వారా రోగనిరోధక శక్తి పెంచుకోవచ్చు.
పాలు పసుపు మిరియాల పొడి: రోగనిరోధక శక్తిని పెంచడానికి అత్యంత సాధారణ మార్గం పాలు పసుపు.. రాత్రి నిద్రించే ముందు గోరువెచ్చని పాలలో అర టీస్పూన్ పసుపు కలిపి తాగండి. ఈ పాలు పిల్లలకు, పెద్దలకు, వృద్ధులకు కూడా ఉపయోగకరంగా ఉంటాయి. కండరాలు, కీళ్లలో నొప్పి, వాపు నుంచి ఉపశమనాన్ని అందిస్తాయి. నిద్రను మెరుగుపరుస్తాయి. అంతేకాదు పాలలో కొద్దిగా మిరియాల పొడిని జోడించడం వల్ల దాని బలం మరింత పెరుగుతుంది.
కుంకుమపువ్వు పాలు: చలికాలంలో శరీరం వెచ్చగా ఉండేందుకు, వ్యాధి నిరోధక శక్తిని పెంచేందుకు రెండు మూడు దారాల కుంకుమపువ్వును పాలలో కలిపి 15 నిమిషాల తర్వాత తాగాలి. ఇది రోగనిరోధక శక్తిని పెంచి, జలుబు, దగ్గు నుంచి ఉపశమనం కలిగిస్తుంది. అలసట, ఒత్తిడి, నిద్రలేమి, కళ్ల బలహీనత వంటి సమస్యల నుంచి కుంకుమ పువ్వు పాలు ఉపశమనాన్ని అందిస్తాయి. చర్మానికి కూడా చాలా ఉపయోగకరంగా ఉంటాయి.
ఏ విధంగా పాలనున తీసుకోవాలంటే: చలికాలంలో తేలికపాటి జలుబు, దగ్గుతో ఇబ్బంది పడుతుంటే పాలలో కొద్దిగా అల్లం, మిరప పొడి వేసి ప్రతిరోజూ మరిగించి, ఈ పాలను వడకట్టిన తర్వాత, చిటికెడు పసుపు వేసి, తీపిలో చక్కెరకు బదులుగా తేనెను ఉపయోగించండి. ఇది రోగనిరోధక శక్తిని పెంచుతుంది. అనేక ఇతర ప్రయోజనాలను కూడా అందిస్తుంది.
రుచికరమైన ఈ పాలను పిల్లలకు ఇవ్వండి: పిల్లలు తరచుగా పసుపు పాలు తాగడానికి మారం చేస్తూ ఉంటారు. అందుకే కుంకుమపువ్వు పాలు తయారు చేయడంతో పాటు, డ్రై ఫ్రూట్స్‌తో కూడిన పాలను పిల్లలకు ఇవ్వవచ్చు. బాదంపప్పులు, వాల్‌నట్‌లు, జీడిపప్పులను చిన్న ముక్కలుగా లేదా తరగాలి. వీటిని పాలలో మరిగించి పిల్లలకు ఇవ్వండి. అయితే ఈ పాలను రాత్రి సమయంలో ఇస్తున్నట్లయితే నిద్ర పోయే సమయానికి 40 నిమిషాల ముందు ఈ పాలను త్రాగడానికి ఇవ్వాలని గుర్తుంచుకోండి.
