మన తెలుగునాట చాలామంది చైల్డ్ ఆర్టిస్టులుగా చేసినవాళ్లు.. ఇప్పుడు నటీనటులుగా రాణిస్తున్నారు. తేజ సజ్జ, కావ్య కల్యాణ్ రామ్, ఆకాశ్ పూరి లాంటి వాళ్లు వరుస అవకాశాలతో దూసుకుపోతున్నారు. ఈ కోవకు చెందిన మరో నటుడు కూడా హీరోగా మంచి సినిమాలు చేస్తున్నాడు. మహేష్ బాబు సినిమాలో నటించిన ఈ చిన్నోడు ఇప్పుడు హీరోగా నిలదొక్కుకునే ప్రయత్నాలు చేస్తున్నాడు. మహేష్ బాబు హీరోగా నటించిన నాని సినిమా చాలా డిఫరెంట్ కాన్సెఫ్ట్‌తో వచ్చింది. ఎస్ జే సూర్య తెరకెక్కించిన ఈ సినిమా పెద్దగా ఆడలేదు. అయితే మంచి.. ప్రయోగాత్మక చిత్రంగా నిలిచింది. ఈ సినిమాకు ఏఆర్ రెహమాన్ సంగీతం అందించారు. ఈ మూవీలో హీరో ఫ్రెండ్‌గా యాక్ట్ చేసిన అబ్బాయి కూడా బాగా గుర్తుండిపోయాడు.
ఎందుకంటే హీరో పాత్ర కుర్రాడు కనిపించిన ప్రతీ సన్నివేశంలో ఈ బుడతడు కూడా ఉంటాడు. ఆ బాల నటుడు ఎవరో కాదు.. మహేష్ బాబు బావ గల్లా జయదేవ్ తనయుడు అశోక్ గల్లా. అవును నాని సినిమాలో నటించింది అశోక్ గల్లానే. ఆ సినిమా తర్వాతే అతనికి సినిమాలపై మక్కువ పెరిగిందట. అతగాడు ఇప్పుడు హీరో అయ్యాడు. 2022లో హీరోగా ప్రేక్షకులను పలకరించాడు. ‘హీరో’ పేరుతోనే వచ్చిన ఈ చిత్రం.. కోవిడ్ వేవ్‌లో కొట్టుకుపోయింది. ఇక మొన్నీమధ్య ‘దేవకీ నందన వాసుదేవ’ పేరుతో గత నెలలో కూడా ఆడియెన్స్‌ను పలకరించారు ఈ యువ హీరో. ఈ సినిమాకు కూడా పెద్ద రెస్పాన్స్ రాలేదు.
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
