Tax Deposit: అడ్వాన్స్ ట్యాక్స్ డిపాజిట్ చేసేందుకు చివరి తేదీ డిసెంబర్ 15. ఆసక్తికరమైన విషయం ఏమిటంటే ఆ రోజు ఆదివారం కావడం. మీరు ఆ రోజున అడ్వాన్స్ ట్యాక్స్ జమ చేయడం మిస్ అయితే, మరుసటి రోజు అంటే డిసెంబర్ 16వ తేదీ సోమవారం పన్ను డిపాజిట్ చేసినందుకు జరిమానా చెల్లించాల్సి ఉంటుందా? 10 వేల కంటే ఎక్కువ ఆదాయపు పన్ను డిపాజిట్ చేయాల్సిన వారు డిసెంబర్ 15వ తేదీలోగా అడ్వాన్స్ ట్యాక్స్‌ను జమ చేసుకోవాలి. మీరు కూడా ఈ కేటగిరీలో ఉన్నట్లయితే, మీరు డిసెంబరు 15కి బదులుగా డిసెంబర్ 16న అడ్వాన్స్ ట్యాక్స్ డిపాజిట్ చేస్తే, మీరు జరిమానా చెల్లించవలసి ఉంటుందా?
ముందస్తు పన్ను ఎందుకు జమ చేయాలి?
ఆదాయపు పన్ను శాఖ పెద్ద పన్ను చెల్లింపుదారులకు వాయిదాల పద్ధతిలో ఆదాయపు పన్ను చెల్లించే సదుపాయాన్ని అందిస్తుంది. దీని కోసం వారు ప్రతి త్రైమాసికంలో ఒక నిర్దిష్ట తేదీలోపు ముందస్తు పన్ను వాయిదాను జమ చేయాలి. ఈసారి అడ్వాన్స్ ట్యాక్స్ డిపాజిట్ చేయడానికి చివరి తేదీ డిసెంబర్ 15. ఈ రోజు ఆదివారం. ఇప్పుడు మీరు డిసెంబరు 14న అడ్వాన్స్ ట్యాక్స్ జమ చేయాలా లేక డిసెంబరు 16న అంటే సోమవారం కూడా అడ్వాన్స్ ట్యాక్స్ జమ చేయవచ్చా అనే ప్రశ్న తలెత్తుతోంది.
ముందస్తు పన్నును ఎవరు జమ చేయవచ్చు?
ఆదాయపు పన్ను చట్టం 1962లోని సెక్షన్ 208 ప్రకారం.. రూ. 10,000 లేదా అంతకంటే ఎక్కువ పన్ను బాధ్యత కలిగిన ప్రతి పన్ను చెల్లింపుదారుడు ముందస్తు పన్నును డిపాజిట్ చేయాలి. ఇలా చేయడం వల్ల ఆర్థిక సంవత్సరం చివరిలో మీపై భారం పడదు.
డిసెంబర్ 15, 2024 ఆదివారం (పబ్లిక్ హాలిడే) అయినందున, చాలా మంది పన్ను చెల్లింపుదారులు ఈ చెల్లింపును తదుపరి పని రోజున అంటే డిసెంబర్ 16న చేయగలరా అనే సందేహం వస్తుంటుంది. మీరు ఎలాంటి జరిమానా వడ్డీ లేకుండా డిసెంబర్ 16, 2024న ముందస్తు పన్ను చెల్లించవచ్చు. ఈ సౌలభ్యం 1994లో జారీ చేయబడిన సర్క్యులర్‌పై ఆధారపడి ఉంది. ఇది ఇప్పటికీ మార్చబడలేదు. అడ్వాన్స్ ట్యాక్స్ జమ చేసుకునేందుకు ఆఖరు తేదీ పబ్లిక్ హాలిడే అయితే, ఆ తర్వాతి పనిదినం చివరి తేదీ అని సర్క్యులర్‌ పేర్కొంది. అంటే అప్పటి సర్య్కూలర్‌ ప్రకారం.. మీరు మరుసటి రోజు జమ చేస్తే ఎలాంటి జరిమానా ఉండదు.
మరిన్ని బిజినెస్ వార్తల కోసం ఇక్కడ క్లిక్ చేయండి
