చూస్తుంటే పవన్ కళ్యాణ్‌కి గోల్డెన్ టైమ్ నడుస్తున్నట్లుంది. మరీ ముఖ్యంగా 2024 ఆయన జీవితంలోనే మరిచిపోలేని ఏడాదిగా మిగిలిపోనుంది.
కలలో కూడా ఊహించని విజయాలతో పాటు.. దేశ రాజకీయాల్ని మలుపుతిప్పే శక్తిగా నిలిచారు జనసేనాని. ఇవన్నీ ఉండగానే తాజాగా మరో సంచలనం సృష్టించారు పవర్ స్టార్.
మరి ఆయన సాధించిన ఆ విజయమేంటి.? పవన్ కళ్యాణ్ సంచలనాలు కంటిన్యూ అవుతున్నాయి. రాజకీయాల్లోనూ ఆయన దూకుడు మామూలుగా లేదిప్పుడు.
అదే ఈ రోజు ప్రపంచ వ్యాప్తంగా పవన్‌ను పాపులరయ్యేలా చేసింది. 2024లో అత్యధికంగా గూగుల్ చేసిన భారతీయ వ్యక్తుల జాబితాలో 5వ స్థానంలో నిలిచారు జనసేనాని.
ఈ ఏడాదిలో పవన్ గురించి తెలుసుకోడానికి నెటిజన్లు పోటీ పడ్డారు. ఏపీ ఎన్నికలు, ఉప ముఖ్యమంత్రిగా ప్రమాణ స్వీకారం, ఏ పవన్ నహీ హే.. ఆంధీహై అంటూ ప్రధాని మోడీ ప్రశంసలు..
రాజకీయంగా పవన్ పోరాడుతున్న విషయాలు.. ఇవన్నీ ఆయనెవరు అని దేశవ్యాప్తంగా అందరూ సర్చ్ చేసేలా ప్రేరేపించాయి. భారత రెజ్లర్ వినేష్ ఫొగాట్, బీహార్ ముఖ్యమంత్రి నితీష్ కుమార్, చిరాగ్ పాశ్వాన్, ఇండియన్ క్రికెటర్ హార్థిక్ పాండ్యా మొదటి 4 స్థానాల్లో నిలిచారు.
ఇండియాలోనే కాదు.. గ్లోబల్ వైడ్‌గానూ పవన్ మేనియా కొనసాగింది. ఎంటర్‌టైన్మెంట్ కేటగిరీలో ప్రపంచ వ్యాప్తంగా అత్యధికంగా సర్చ్ చేసిన వ్యక్తుల జాబితాలో రెండో స్థానంలో నిలిచారు పవన్ కళ్యాణ్.
అమెరికన్ యాక్టర్ క్యాట్ విలియమ్స్ మాత్రమే పవన్ కంటే ముందున్నారు. ఈ లిస్టులో ఇండియా నుంచి హీనా ఖాన్, నిమ్రిత్ కౌర్ చోటు దక్కించుకున్నారు.
