నిమ్మకాయలు తినడం ఆరోగ్యానికి చాలా మంచిది. వీటిల్లో ఎక్కువగా విటమిన్ సి లభిస్తుంది. శరీరం ఆరోగ్యంగా పని చేయాలంటే విటమిన్ సి ఖచ్చితంగా అవసరం అవుతుంది. రోగ నిరోధక శక్తిని పెంచడంలో ఇది ముఖ్య పాత్ర వహిస్తుంది. ఇమ్యూనిటీ ఉంటే రోగాలు, వ్యాధులు, ఇన్ఫెక్షన్లతో పోరాడే శక్తి లభిస్తుంది.
నిమ్మరసం పిండాక తొక్కలను పడేస్తూ ఉంటారు. కానీ వీటితో ఎన్నో రకాల ప్రయోజనాలు ఉన్నాయి. నిమ్మ రసం తాగినా అధిక బరువు కంట్రోల్ అవుతుంది. అలాగే నిమ్మ తొక్కలు కూడా బరువును తగ్గించడంలో సహాయ పడతాయని నిపుణు అంటున్నారు.
ఈ నిమ్మ తొక్కలో పెక్టిన్ అనే ఫైబర్ పుష్కలంగా ఉంటుంది. ఇది కడుపును నిండుగా ఉంచి ఆకలి వేయకుండా నియంత్రిస్తుంది. అంతే కాకుండా శరీరంలో పేరుకు పోయిన బ్యాడ్ కొలెస్ట్రాల్‌ను కంట్రోల చేయడంలో కూడా హెల్ప్ చేస్తుంది.
నిమ్మ తొక్కలతో టీ వంటివి చేసుకోవచ్చు. ఇవి వెయిట్ లాస్ అయ్యేందుకు హెల్ప్ చేస్తుంది. ఈ తొక్కలను నీటిలో వేసి మరిగించి గోరువెచ్చగా ఉన్నప్పుడు తాగాలి. కావాలంటే కొద్దిగా తేనె కలుపుకోవచ్చు. రోజుకు ఉదయం, సాయంత్రం రెండు సార్లు తాగాలి.
ఈ డ్రింక్ శరీరాన్ని కూడా డీటాక్సీఫై చేస్తుంది. శరీరంలో పేరుకు పోయిన వ్యర్థాలు, మలినాలను కూడా తొలగిస్తుంది. మలబద్ధకం లేకుండా చేస్తుంది. బ్యాడ్ కొలెస్ట్రాల్‌ను సైతం కరిగిస్తుంది. ఈ క్రమంలో బరువు తగ్గవచ్చు.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నా వైద్య నిపుణుల్ని సంప్రదించడం మేలు.)
