Keerthy Suresh: రష్మికను ఫాలో అవుతున్న కీర్తి… న్యూ టర్న్‌ కెరీర్‌కు హెల్త్ అవుతుందా?

పుష్ప 2 సక్సెస్‌ తో మరోసారి పాన్ ఇండియా రేంజ్‌ లో సెన్సేషన్‌ గా మారారు సిల్వర్‌ స్క్రీన్ శ్రీవల్లి రష్మిక మందన్న. మంచి నటిగా పేరు తెచ్చుకోవాటంతో పాటు గ్లామర్‌, డ్యాన్స్‌ విషయం లోనూ ఫుల్ మార్క్స్ సాధించారు. దీంతో పాన్ ఇండియా రేంజ్‌ లో కమర్షియల్ సినిమాకు బెస్ట్ హీరోయిన్‌ ఛాయిస్‌ గా మారిపోయారు ఈ బ్యూటీ. పాన్ ఇండియా ఎంట్రీకి ముందే నేషనల్ క్రష్‌‌గా క్రేజ్‌ తెచ్చుకున్న రష్మిక ఇప్పుడు మోస్ట్ వాంటెండ్ బ్యూటీ‌గా మారిపోయారు.

రష్మిక సక్సెస్ చూసిన తరువాత మహానటి కీర్తి సురేష్‌ కూడా ఇదే ఫార్ములాను రిపీట్ చేయాలని పిక్స్ అయ్యారు. నటిగా కీర్తి సురేష్‌‌కు మంచి పేరే ఉంది. మహానటి సినిమాకు నేషనల్ అవార్డు సైతం అందుకున్నారు ఈ బ్యూటీ. అందుకే ఇప్పుడు ఆ ఇమేజ్‌‌తో పాటు గ్లామర్‌ ఇమేజ్‌ కోసం కూడా ట్రై చేస్తున్నారు.

ఆల్రెడీ సౌత్ సినిమాల్లో కమర్సియల్ హీరోయిన్ రోల్స్‌ లో కీర్తి కనిపించారు. ఆ సినిమాల్లో మోడ్రన్‌ లుక్స్‌ లో కనిపించటంతో పాటు డ్యాన్స్‌ లు కూడా ఇరగదీశారు. అయినా అమ్మడికి అనుకున్న బ్రేక్ రాలేదు.

ప్రజెంట్ బాలీవుడ్ డెబ్యూకి రెడీ అవుతున్న కీర్తి సురేష.. నార్త్ ఎంట్రీ లో డిఫరెంట్ ఇమేజ్‌ కోసం ట్రై చేస్తున్నారు. సౌత్‌ బ్లాక్ బస్టర్‌ తెరిని హిందీలో బేబీ జాన్‌ పేరుతో రీమేక్ చేస్తున్నారు అట్లీ. ఈ సినిమాతోనే బాలీవుడ్‌ ఎంట్రీ ఇస్తున్నారు కీర్తి సురేష్‌. సౌత్‌ లో సమంత చేసిన రోల్‌ ను నార్త్‌ లో కీర్తి ప్లే చేస్తున్నారు. గ్లామర్‌ షోతో పాటు పర్ఫామెన్స్‌ కు కూడా స్కోప్‌ ఉన్న పాత్ర కావటంతో ఈ క్యారెక్టర్‌ తో నార్త్ మార్కెట్‌ లో జెండా పాతేయాలని ఫిక్స్ అయ్యారు.

ఇప్పటికే రిలీజ్ అయిన తొలి సింగిల్‌ తోనే నార్త్ డెబ్యూ మూవీలో తన క్యారెక్టర్ ఎలా ఉండబోతుందో కీర్తి క్లారిటీ ఇచ్చేశారు. బాలీవుడ్‌ లో మంచి పెర్ఫామర్‌ గా ప్రూవ్ చేసుకుంటూనే బోల్డ్ ఇమేజ్‌ తోనూ ఆకట్టుకున్నారు రష్మిక. ఇప్పుడు కీర్తి సురేష్ కూడా ఇదే స్టైల్‌ ను ఫాలో అవుతున్నారు.

తొలి సినిమాలోనే నటిగా ప్రూవ్ చేసుకోవటంతో పాటు ఇప్పుడు మ్యారేజ్ తర్వాత గ్లామర్ రోల్స్‌ కు కూడా రెడీ అన్న సిగ్నల్స్ ఇస్తున్నారు కీర్తి. ఈ సినిమా సక్సెస్ అయితే నార్త్‌‌లో వరుస ఆఫర్స్‌ తో బిజీ అవ్వొచ్చన్న ఆలోచనలో ఉన్నారు గుడ్‌ లక్‌ సఖి. మరి బాలీవుడ్ అరంగేట్ర మూవీ కీర్తి కల నెరవేరుస్తుందేమో చూడాలి.

Source link