చాలా మందికి ఉదయాన్నే తాగే ఒక కప్పు కాఫీతో రోజు ప్రారంభమవుతుంది. ఇలా మొదలైన కాఫీ.. రోజంతా పలు సందర్భాల్లో లాగించేస్తుంటారు. అలా రోజు గడిచే కొద్దీ 10 వరకైనా కాఫీ కప్పులు తాగేస్తారు. అయితే బ్రిటన్‌లో నిర్వహించిన ఓఅధ్యయనం ప్రకారం, మితంగా కాఫీ తాగడం వల్ల మరణ ప్రమాదాన్ని దాదాపు 10 సంవత్సరాల వరకు తగ్గించవచ్చని అంటున్నారు. ఇది మానసిక స్థితిని కూడా రిఫ్రెష్ చేస్తుంది. అయితే కాఫీతో ప్రయోజనాలు మాత్రమే కాదు, ప్రతికూలతలు కూడా ఉన్నాయి. అవేంటంటే..
ఆస్ట్రేలియన్ శాస్త్రవేత్తల ప్రకారం.. రోజుకు 6 కప్పుల కంటే ఎక్కువ కాఫీ తాగితే అది నేరుగా మెదడును ప్రభావితం చేస్తుంది. దీని వల్ల డిమెన్షియా అంటే జ్ఞాపకశక్తి తగ్గిపోయే ప్రమాదం ఎక్కువ. ఆరోగ్య నిపుణుల అభిప్రాయం ప్రకారం కాఫీ అలసట నుంచి ఉపశమనం కలిగిస్తుంది. అయితే ఈ 5 రకాల ఆరోగ్య సమస్యలున్న వారికి మాత్రం కాఫీ ప్రమాదకరం.
ఒత్తిడి – నిద్రలేమి
కాఫీలో కెఫీన్ ఉంటుంది. ఇది ఒత్తిడి లేదా నిద్ర సమస్యలతో బాధపడుతున్న రోగులకు హానికరం. కెఫిన్ నాడీ వ్యవస్థను సక్రియం చేస్తుంది. హృదయ స్పందన రేటును వేగవంతం చేస్తుంది. ఇది టెన్షన్‌కు కారణం కావచ్చు. పడుకునే ముందు కాఫీ తాగడం వల్ల నిద్రలేమి కలుగుతుంది.
ఇవి కూడా చదవండి
ఐరన్ లోపం
శరీరంలో ఐరన్ లోపిస్తే పొరపాటున కూడా కాఫీ తాగకూడదు. నిజానికి, కాఫీ ఐరన్ శోషణకు ఆటంకం కలిగిస్తుంది. ముఖ్యంగా ఆహారంతో తీసుకున్నప్పుడు. కాఫీలో కనిపించే టానిన్ ఐరన్‌తో బంధిస్తుంది. శరీరం దాని శోషణను నిరోధిస్తుంది. ఇది శరీరంలో ఐరన్ లోపానికి కారణమవుతుంది.
గర్భధారణ సమయంలో
గర్భధారణ సమయంలో కాఫీకి దూరంగా ఉండటం మంచిది. వాస్తవానికి, ఈ సమయంలో కెఫీన్‌కు దూరంగా ఉండాలి. ఎందుకంటే ఇది శిశువు పెరుగుదల, ఆరోగ్యాన్ని ప్రభావితం చేస్తుంది. గర్భధారణ సమయంలో కెఫిన్ అధికంగా తీసుకోవడం వల్ల ముందస్తు జననం, తక్కువ బరువుతో బిడ్డ పుట్టడం, గర్భస్రావం జరిగే ప్రమాదం ఉందని పరిశోధనలో తేలింది. గర్భిణీ స్త్రీలు రోజుకు 200 mg కంటే ఎక్కువ కెఫిన్ తీసుకోకూడదని నిపుణులు సిఫార్సు చేస్తున్నారు. అంటే ఒక్క కప్పు కాఫీ మాత్రమే తాగాలి.
అధిక రక్తపోటు
కెఫీన్ రక్తపోటును గణనీయంగా పెంచుతుంది. ఎందుకంటే ఇది గుండె, రక్త నాళాలపై ఒత్తిడిని పెంచుతుంది. ఎవరికైనా BP సమస్యలు ఉంటే, ఎక్కువ కాఫీ తాగడం వలన వారి ప్రమాదాన్ని పెంచుతుంది.
యాసిడ్ రిఫ్లక్స్
ఎవరైనా యాసిడ్ రిఫ్లక్స్ లేదా గ్యాస్ట్రోఎసోఫాగియల్ రిఫ్లక్స్ వ్యాధితో బాధపడుతుంటే, వారు కాఫీ తాగితే, వారి సమస్యలు మరింత పెరుగుతాయి. నిజానికి, కాఫీలోని కెఫిన్ కడుపులో యాసిడ్ ఉత్పత్తిని పెంచడం ద్వారా గుండెల్లో మంట రిఫ్లక్స్‌కు కారణమవుతుంది. ఇది వాపు, ఛాతీ నొప్పి వంటి సమస్యలను కూడా కలిగిస్తుంది.
మరిన్ని ఆరోగ్య కథనాల కోసం క్లిక్‌ చేయండి.
