కేంద్రంలోని నరేంద్ర మోదీ ప్రభుత్వం కీలక నిర్ణయం తీసుకుంది.. రైతులు సులువుగా రుణాలు పొందేలా రూ.1000కోట్ల రుణ హామీ పథకాన్ని ప్రారంభించింది. ఈ మేరకు కేంద్ర ఆహార మంత్రి ప్రహ్లాద్ జోషి సోమవారం ప్రకటన విడుదల చేశారు.. రూ.వెయ్యి కోట్ల రుణ హామీ పథకాన్ని (క్రెడిట్ గ్యారెంటీ స్కీమ్) ప్రారంభించారు. ఎలక్ట్రానిక్ గిడ్డంగి రసీదుల ద్వారా రైతులు పంట అనంతర రుణాలను సులభంగా పొందవచ్చు.. ఇది రైతులు సులువుగా రుణాలను పొందడంలో సహాయపడుతుందని.. కేంద్ర ఆహార మంత్రి ప్రహ్లాద్ జోషి పేర్కొన్నారు.
వేర్‌హౌసింగ్ డెవలప్‌మెంట్ అండ్ రెగ్యులేటరీ అథారిటీ (డబ్ల్యుడిఆర్‌ఎ) రిజిస్టర్డ్ రిపోజిటరీలు జారీ చేసిన ఎలక్ట్రానిక్ నెగోషియబుల్ వేర్‌హౌస్ రసీదులకు (ఇ-ఎన్‌డబ్ల్యుఆర్‌లు) రుణం ఇవ్వడానికి బ్యాంకుల విముఖతను తగ్గించడం ఈ పథకం లక్ష్యం.. వీటి ద్వారా బ్యాంకులు సకాలంలో రుణాలు అందించనున్నాయి..
“మేము రూ. 1,000 కోట్ల కార్పస్ ఫండ్‌ను అందించాము. ఉదారవాద విధానంతో రుణాలు ఇచ్చేలా బ్యాంకులను ప్రోత్సహించడమే ఈ ఫథకం లక్ష్యం” అని ప్రారంభోత్సవంలో మంత్రి అన్నారు.
క్రెడిట్ గ్యారెంటీ స్కీమ్..
ఈ పథకం వ్యవసాయ ఫైనాన్సింగ్‌ను మరింత అందుబాటులోకి తీసుకురావడం, రైతుల ఆర్థిక అవసరాలకు తోడ్పాటు అందించడం లక్ష్యంగా పెట్టుకుంది.
ఆహార కార్యదర్శి సంజీవ్ చోప్రా.. పంట విస్తరణకు గణనీయమైన సహకారాన్ని హైలైట్ చేశారు.. మొత్తం వ్యవసాయ రుణాలు రూ. 21 లక్షల కోట్లలో ప్రస్తుతం పంట అనంతర రుణాలు కేవలం రూ. 40,000 కోట్లు మాత్రమేనని పేర్కొన్నారు. ప్రస్తుతం, ఇ-ఎన్‌డబ్ల్యుఆర్‌లపై రుణం కేవలం రూ.4,000 కోట్లు మాత్రమే అంటూ వివరించారు.
“రాబోయే 10 సంవత్సరాలలో పంట అనంతర రుణాలు రూ. 5.5 లక్షల కోట్లకు పెరుగుతాయని మేము ఆశిస్తున్నామని చోప్రా పేర్కొన్నారు.. బ్యాంకింగ్ – వేర్‌హౌసింగ్ రంగాల నుంచి సమన్వయ ప్రయత్నాలతో ఈ లక్ష్యాన్ని సాధించగలమని వివరించారు.
ఇ-కిసాన్ ఉపాజ్ నిధి ఆన్‌లైన్ ప్లాట్‌ఫారమ్‌ను క్రమబద్ధీకరించడం, ప్రతిజ్ఞ ఫైనాన్సింగ్ గురించి రైతులకు అవగాహన కల్పించడం, డిపాజిటరీ ఛార్జీలను సమీక్షించడం, ప్రస్తుత 5,800 కంటే ఎక్కువ గిడ్డంగి రిజిస్ట్రేషన్‌లను పెంచడం వంటి అవసరాన్ని కూడా కార్యదర్శి నొక్కి చెప్పారు.
ఈ కార్యక్రమంలో ఆహార, వినియోగదారుల వ్యవహారాల శాఖ సహాయ మంత్రులు బీఎల్‌ వర్మ, నిముబెన్‌ జయంతిభాయ్‌ బంభానియా, డబ్ల్యూడీఆర్‌ఏ చైర్‌పర్సన్ అనితా ప్రవీణ్ కూడా పాల్గొన్నారు.
మరిన్ని జాతీయ వార్తల కోసం ఇక్కడ క్లిక్ చేయండి..
