భారత్-ఆస్ట్రేలియా మధ్య మెల్‌బోర్న్ టెస్ట్ సిరీస్ కొనసాగుతుండగా, ప్రాక్టీస్ పిచ్‌ల వివాదం ఇప్పుడు హాట్‌టాపిక్‌గా మారింది. నాలుగో టెస్ట్‌కు ముందు భారత జట్టు నెట్స్‌ ప్రాక్టీస్ కోసం ఉపయోగించిన పిచ్‌లలోని తేడాలు భారత అభిమానులను ఆగ్రహానికి గురిచేశాయి. ఆస్ట్రేలియా ఆటగాళ్లు కొత్త, ఆకర్షణీయమైన పిచ్ లపై శిక్షణ పొందుతుంటే, భారత ఆటగాళ్లు పాత, తక్కువ బౌన్స్ ఉన్న పిచ్‌లపై శ్రమిస్తున్నారు.
భారత జట్టు నెట్స్‌లోని పిచ్ తక్కువ బౌన్స్‌ను అందించడంతో షార్ట్ పిచ్డ్ బంతులు కూడా బ్యాటర్ నడుము వరకు మాత్రమే చేరాయి. ఈ కారణంగా కెప్టెన్ రోహిత్ శర్మ మోకాలికి దెబ్బ తగలడం, పేసర్ ఆకాష్ దీప్ ఈ పిచ్ వైట్ బాల్ క్రికెట్‌కు అనుకూలమని వ్యాఖ్యానించడం వంటి సంఘటనలు చోటు చేసుకున్నాయి.
ఆస్ట్రేలియాకు సిద్ధం చేసిన పిచ్‌లు మెరుగైన పరిస్థితులతో కొత్తగా కనిపించడంతో, అభిమానులు దీనిని తీవ్రంగా వ్యతిరేకిస్తున్నారు. MCG క్యూరేటర్ మాట్ పేజ్ దీనిపై స్పందిస్తూ, “మ్యాచ్‌కు 3 రోజుల ముందు మాత్రమే తాజా పిసీత్ లను అందిస్తాం, ఇది అన్ని జట్లకూ సమానంగా వర్తిస్తుంది” అని స్పష్టం చేశారు.
ఈ వివాదం మధ్య, ఆస్ట్రేలియన్ ఆటగాళ్లు తాజా పిచ్‌లపై శిక్షణ పొందుతుండగా, భారత జట్టు తమ తదుపరి శిక్షణ కోసం మరింత న్యాయమైన ఉపరితలాలను ఎదురుచూస్తుంది. ఇది టెస్టు సిరీస్‌లో ఏ ప్రభావాన్ని చూపుతుందో చూడాలి.
Significant difference between the practice pitches both teams have got in preparation for the Boxing Day Test.#bgt pic.twitter.com/MYyMKZpEGi
— Sandipan Banerjee (@im_sandipan) December 23, 2024
