నిజమే.. మాస్ అంటే అప్పటి జనరేషన్‌కు మెగాస్టార్ చిరంజీవి మాత్రమే. ఒకప్పుడు ఆయన సినిమాలు మాస్‌కు కేరాఫ్ అడ్రస్‌గా ఉండేవి. కానీ రీ ఎంట్రీలో మెగా మేనియా అప్పుడప్పుడూ మాత్రమే కనిపిస్తుంది.
రీఎంట్రీ తర్వాత ఖైదీ నెం 150, వాల్తేరు వీరయ్య లాంటి సినిమాలతో చిరు రచ్చ చేసినా.. భారీ అంచనాల మధ్య వచ్చిన కొన్ని సినిమాలు నిరాశ పరిచాయి. దాంతో ఫ్యాన్స్‌కు భారీగా బాకీ పడ్డారు చిరు.
వశిష్టతో ప్రస్తుతం విశ్వంభర సినిమా చేస్తున్నా.. అది పూర్తిగా విజువల్ వండర్. ఆ తర్వాత అనిల్ రావిపూడితోనూ ఓ సినిమాకు సైన్ చేసారు మెగాస్టార్. ఇది కూడా యాక్షన్ కమ్ కామెడీతో ఉంటుంది. దాంతో మెగామాస్ పూర్తిగా చూపించే ఛాన్స్ ఏ దర్శకుడు తీసుకోవట్లేదు.
ఇలాంటి టైమ్‌లో శ్రీకాంత్ ఓదెల సినిమా సైన్ చేసారు చిరు. చిరంజీవి, ఓదెల శ్రీకాంత్ సినిమాకు నాని సమర్పకుడిగా ఉండటం మరో విశేషం. ఈ సినిమా ఎలా ఉండబోతుందో అనౌన్స్‌మెంట్‌తోనే అర్థమైపోతుంది.
మెగాస్టార్‌లో కొన్నేళ్లుగా నిద్రపోతున్న మాస్‌ను తట్టి లేపుతానని రక్త ప్రమాణం చేసారు శ్రీకాంత్ ఓదెల. నాని కూడా ఫ్యాన్ బాయ్ తాండవం అంటూ పోస్ట్ చేసారు. ఇదంతా చూస్తుంటే చిరు రప్ఫాడించేలాగే కనిపిస్తున్నారు.
