చాలా మంది తమ ఇళ్లలో రకరకాల పెంపుడు జంతువులను పెంచుకుంటుంటారు. కొందరు కుక్కలు, పిల్లుల్ని పెంచుకుంటే, మరికొందరు పిచ్చుకలు, కుందేళ్లు, పావురాళ్లు, రామచిలుకను కూడా పెంచుకుంటారు. వాటిని తమ కుటుంబంలో సభ్యులుగా ప్రేమిస్తారు. దానికి తిండి దగ్గరి నుంచి ఆరోగ్యం వరకు అన్ని రకాల జాగ్రత్తలు తీసుకుంటారు. అవి కూడా తన యజమాని పట్ల అంతే ప్రేమ, అప్యాయత, విశ్వాసంతో ఉంటాయి. తమ యజమాని మరణం తట్టుకోలేక చాలా సందర్భాల్లో పెంపుడు జంతువులు మరణించిన వార్తలు అనేకం వార్తల్లో చూశాం. అలాగే, పెంపుడు జంతువుల కోసం యజమాని సైతం మంచంపట్టిన ఘటనలు కూడా అనేకం ఉన్నాయి. ఇలాంటిదే ఉత్తరప్రదేశ్‌లో ఓ ఉదాంతం వెలుగుతోకి వచ్చింది. ఓ వ్యక్తి తాను ఎంతో ఇష్టంగా పెంచుకున్న రామ చిలుక కనిపించకపోవడంతో.. దాని ఆచూకీ కోసం విస్తృతంగా గాలిస్తున్నాడు. చేయాల్సిన అన్ని ప్రయత్నాలు చేస్తున్నాడు.
ఉత్తర్‌ప్రదేశ్‌లోని బులంద్ షహర్‌కు చెందిన నవీన్ పాఠక్ అనే వ్యక్తి.. రామ చిలుకను పెంచుకుంటున్నాడు. ఈ క్రమంలోనే డిసెంబర్‌ 10వ తేదీ నుంచి ఆ రామ చిలుక కనిపించకుండా పోయింది. ఎక్కడికి వెళ్లిందో.. తిరిగి సాయంత్రం వరకు వస్తుందిలే అనుకున్నాడు నవీన్. కానీ అది రాలేదు. దీంతో నవీన్ పాఠక్ తీవ్ర ఆందోళనకు గురయ్యాడు. ఆ తర్వాత అది ఎంతకూ రాకపోవడంతో దాని కోసం ఆ ఇంటి పరిసరాలు, ఆ ప్రాంతం మొత్తం వెతకడం ప్రారంభించాడు. చిలుక ఆచూకీ కోసం చుట్టుపక్కల అందిరినీ అడగడం ప్రారంభించాడు.
ఆ చిలుక అంటే నవీన్ పాఠక్ ఇంట్లో అందరికీ చాలా ఇష్టం. దాన్ని వారు ముద్దుగా ‘విష్ణు’ అని పిలుచుకుంటారట. చిన్ననాటి నుంచి చూసుకుంటున్న చిలుక ఇంట్లోంచి పారిపోవడంతో ఆ ఇంట్లో పిల్లలు తిండి మానేశారని వాపోయాడు.. కుటుంబం మొత్తానికి ఎంతో ఇష్టం. దాన్ని వారు ముద్దుగా ‘విష్ణు’ అని పిలుచుకుంటారు. తమ రామ చిలుక కనిపించకపోవడంతో ఇంటిల్లిపాది తీవ్ర ఆవేదన వ్యక్తం చేస్తున్నారు. ఈ నేపథ్యంలోనే తన రామ చిలుక ఎలాగైనా సరే తన వద్దకు రావాలని నవీన్ పాఠక్ భారీ బహుమానం ప్రకటించారు. తన రామచిలుక విష్ణును తీసుకువచ్చి ఇచ్చిన వారికి రూ. 1 లక్ష బహుమతిగా ఇస్తానని ప్రకటించాడు. దీంతో ఈ వార్త కాస్తా ఇంటర్‌నెట్‌లో తెగ వైరల్ అవుతోంది.
ఇవి కూడా చదవండి
మరిన్ని ట్రెండింగ్ వార్తల కోసం ఇక్కడ క్లిక్ చేయండి
